Ciidamada DKMG Somalia oo xabsiga dhigay wariye ka howlgala Muqdisho & Ururka SOCJA oo falkaasi canbaareysay.

Ciidamada DKMG Somalia oo xabsiga dhigay wariye ka howlgala Muqdisho & Ururka SOCJA oo falkaasi canbaareysay.

Sirdoonka DKMG Somalia ayaa xabsiga dhigay wariye Maxamed Bishaar oo ka mid ah wariyaasha ka howlgala Idaacadaha maxaliga ee ka shaqeeya magaalada Muqdisho.

Ciidamada ayaa ka kaxeestay wariye Maxamed Bishaar isagoo xiligaasi ku sugan wazaarada warfaafinta halkaa oo uu wariyaha ku howlanaa shaqadiisa maalmeed.

waxaana wariye Bishaar la gaarsiiyay xaruunta CID-da halkaa oo su'aalo lagu weydiiyay ugu danbeyntii waxaa loo taxaabay oo xalay uu ku baryay xabsi.

Maxamed Ibrahim Ayaanle Madaxada Mashaariicda Ururka Koonfurta iyo Bartamaha Somalia (SOCJA) oo la hadlayay saxaafada ayaa shaaca ka qaaday in ay ka xunyihiin falkaan ciidamaada DKMG Somalia ay ku bartimaameysteen wariyahaasi gudanayay howshiisa, isagoona hoosta ka xariiqay in falkaan uu yahay mid inta badan saameyn ku yeesha shaqada wariyaasha guud ahaan dalka Somalia, ayadoon loo aabayeeelin shaqada iyo howsha ay wariyaasha ay ka hayaan dalka.

Wariye Bishaar ayaa haatan waxa uu ka howlgalayay Idaacada Tusmo oo uu dhawaan ku biiray, isagoona lagu xasuusto in inta badan uu soo tabin jiray arimaha dadka dhibaateysan ee ku sugan daafaha magaalada Muqdisho, halkaa oo wariye Bishaar ka ahaa wariyaasha sida tooska ah u soo jeedin jiray arimahooda.
lama oga sida ay wax noqon doonaan waxaana dhamaan bahda warbaahinta ay canbaareeyay falkaasi ciidamda DKMG Somalia ay ku xireen wariye Maxamed Bishaar iyadoona sidoo kale ay canbaareeyay Ururada u dooda Xuquuqda Wariyaasha.

Inta badan Tacadiyada loo geysto wariyaasha ayaanan aheyn mid ku cusub dhagaha shacabka Soomaaliyeed waxaana jira tiro wariyaal ah oo lagu dilay sanadihii ugu danbeeyay gudaha dalka Somalia kuwaa oo xiligaasi ku jiray shaqadooda.

Warbixin qoraaleedka Ururka SOCJA sanada 2010-ka ee dhawaan la soo daabacay ayaa lagu sheegayay sidoo kale ugaarsiga wariyaasha in sanadahii ugu danbeeyay uu ahaa mid sii kordhaya, ayadoo warbixino la soo saaray lagu sheegay in Somalia ay ka mid tahay dalalka ugu hooseeya ilaalinta xuquuqda Wariyaasha.

Ugu danbeyntii, Madaxada Mashaariicda Ururka Koonfurta iyo Bartamaha Somalia (SOCJA) Maxamed Ibrahim Ayaanle ayaa waxa uu codsi u soo jeediyay dhamaan cidii garab ka geesan karto soo siideenta wariyahaan in ay isku howlaan, ayadoona si gooni ah uu uga codsaday Waziirka warfaafinta DKMG Somalia Eng Yariisow uu dadaal u galo sidii xuriyadiisa uu u heli lahaa wariye Maxamed Bishaar oo xalay ku baryay Xabsiga.